RONOSIT eritma 10ml 100mg/ml N10

Инструкция RONOSIT eritma 10ml 100mg/ml N10

• Dori shakli

  Ичга қабул қилиш учун эритма 10 мл дан бураладиган пластик қопқоқ билан беркитилган, биринчи очиш назорати билан таъминланган рангсиз тиниқ шиша флаконда. 10 флакон тиббиётда қўлланишига доир йўриқномаси билан бирга картон қутига жойланган.

• Qadoqda soni

  10

• Dozirovkasi

  Роноцит ичга қабул қилиш учун эритма перорал буюрилади. Препаратни қабул қилишдан олдин кўп бўлмаган миқдордаги сув (120 мл ёки ½ стакан) да суюлтириш мумкин. Препарат овқат вақтида ёки овқатланишлар орасида қабул қилинади. Катталар: тавсия этиладиган дозаси аҳволини оғирлигига қараб, суткада 500 мг дан 2000 мг гача бўлган дозани ташкил этади. Кекса пациентлар: дозага тузатиш киритиш талаб этилмайди. Препаратнинг дозаси беморнинг аҳволини оғирлиги ва терапевтик таъсирига қараб шифокор томонидан ўзгартирилиши мумкин. Болалар: болаларда қўллаш тажрибаси чекланган. Препарат, даволашдан кутиладиган фойда ҳар қандай кузатилиши мумкин бўлган ҳавфдан устун бўлган ҳолатдагина буюрилиши мумкин.

• Dori vositalarining o'zaro ta'siri

  Цитиколин леводопанинг самарасини кучайтиради. Препаратни таркибида меклофеноксат сақловчи дори воситалар билан бир вақтда қўллаш мумкин эмас.

• Qo'llanilishi mumkin bo'lmagan holatlar

  •       препаратнинг компонентларидан бирортасига ўта юқори сезувчанликда; •       яққол ифодаланган ваготонияси (парасимпатик нерв тизимининг тонуси устун бўлганида) бўлган пациентларда қўллаш мумкин эмас.

• Maxsus saqlash sharoitlari

  25оС дан юқори бўлмаган ҳароратда сақлансин. Болалар ололмайдиган жойда сақлансин! Яроқлилик муддати Ишлаб чиқарилган санадан бошлаб 5 йил. Яроқлилик муддати тугаганидан сўнг қўлланилмасин.

• Maxsus shartlar

  Препарат, айниқса ацетилсалицил кислотасига аллергияси бўлган пациентларда, бронхиал астмани чақириши мумкин. Препарат таркибида сорбитол сақлайди. Шунинг учун фруктозани наслий ўзлаштиролмаслиги бўлган пациентлар ушбу препаратни қабул қилмасликлари лозим. Роноцит, аллергик реакцияларни (эҳтимол, кечиккан) чақириши мумкин бўлган, метилпарагидроксибензоати ва пропилпарагидроксибензоатини сақлайди. Препарат 1 мл да 23 мг дан камроқ натрий сақлайди, яъни деярли “натрий сақламайди”. Ҳомиладорлик ва лактация даврида қўлланиши Ҳомиладорлик ва лактация даврида цитиколинни қўллаш бўйича маълумотлар етарли эмас. Ҳомиладорлик ва лактация даврида, она учун даволашдан кутиладиган фойда ҳомила учун потенциал ҳавфдан устун бўлган ҳолатлардан ташқари барча ҳолатларда препаратни буюриш мумкин эмас. Педиатрияда қўлланиши Болаларда қўллаш тажрибаси чекланган. Даволашдан кутиладиган фойда кузатилиши мумкин бўлган ҳар қандай ҳавфдан устун бўлган ҳолатлардагина препарат буюрилиши мумкин. Автотранспортни ҳайдаш ва механизмларни бошқариш қобилиятига таъсири Цитиколин транспорт воситаларини бошқариш ва механизмлар билан ишлаш қобилиятига таъсир кўрсатмайди.

• Nojo'ya samaralari

  Нохуш реакцияларни учраш тезлигини кўрсаткичлари қуйидаги тарзда аниқланади: жуда тез-тез (≥ 1/10); тез-тез (≥ 1/100, аммо < 1/10); тез-тез эмас (≥ 1/1000, аммо < 1/100); кам ҳолларда (≥ 1/10000, аммо < 1/1000); жуда кам ҳолларда (< 1/10000); учраш тезлиги номаълум (мавжуд маълумотлар асосида баҳоланиши мумкин эмас). Нохуш реакциялар жуда кам ҳолларда, жумладан ягона ҳолатларда ривожланади. Руҳият томонидан: галлюцинациялар. Нерв тизими томонидан: бош оғриғи, вертиго. Қон-томирлари томонидан: артериал гипертензия, артериал гипотензия. Нафас тизими, кўкрак қафаси ва кўкс оралиғи аъзолари томонидан: ҳансираш. Меъда-ичак йўллари томонидан: кўнгил айниши, қусиш, диарея. Тери ва тери ости тўқималари томонидан: гиперемия, тошма, эшакеми, пурпура. Умумий бузилишлар ва юборилган жойдаги бузилишлар: эт увишиши, эдема. Шубҳа қилинган нохуш реакциялар бўйича хабарлар Дори воситаси қайд этилгандан кейин шубҳа қилинган нохуш реакциялар бўйича хабарлар муҳим ҳисобланадилар. Пациентда дори воситасига нисбатан жиддий нохуш реакция аниқланганида ёки ушбу бўлимда таърифланмаган янги нохуш реакция пайдо бўлганида, Миллий фармакоогоҳлик тизимига мувофиқ хабар беришингизни сўраймиз.

• Farmakokinetikasi

  Цитиколин – нейронларнинг мембраналаридаги структур фосфолипидлар биосинтезини рағбатлантиради. Шундай таъсири ҳисобига цитиколин, уларни бошқарувисиз нерв импульсларини нормал ўтказилиш имкони бўлмаган ион насослари ва рецепторлари каби мембрана структураларининг функциясини яхшилайди. Мембранага барқарорлаштирувчи таъсири туфайли, цитиколин шишга қарши ҳусусиятларни намоён қилади ва мия шишини камайтиради. Экспериментал тадқиқотлар, цитиколин айрим фосфолипазалар (А1, А2 С ва D) нинг фаоллигини ингибиция қилиб, эркин радикалларни ҳосил бўлишини камайтиради, мембрана тизимларининг парчаланишини олдини олади ва глутатион каби антиоксидант ҳимоя тизимини сақлаб туришини кўрсатган. Цитиколин апоптозни ингибиция қилади ва ацетилхолин синтезини рағбатлантиради. Цитиколин шунингдек бош мияни фокал ишемиясида профилактик нейропротектор таъсир кўрсатади. Клиник тадқиқотларда, цитиколин бош мияда қон айланишини ўткир бузилиши бўлган пациентларда функционал тузалиш кўрстакичларини ишонарли оширади, бу нейровизуализация маълумотлари бўйича бош миянинг ишемик шикастланишини кучайишини секинлашишига олиб келиши кўрсатилган. Бош мия жароҳатлари бўлган пациентларда цитиколин жароҳатдан кейинги синдромнинг давомийлиги ҳамда жадаллигини камайтиради ва тикланишини тезлаштиради. Цитиколин диққат ва онгнинг даражасини яхшилайди, бош мия ишемияси билан боғлиқ бўлган амнезия, когнитив бузилишлар ва бошқа неврологик бузилишларни намоён бўлишини камайишига ёрдам беради.

• Farmakodinamikasi

  Сўрилиши Цитиколин ичга қабул қилинганида яхши сўрилади. Перорал қабул қилингандан сўнг унинг сўрилиши деярли тўлиқ, биокираолишлиги эса вена ичига юборилгандан кейинги биокираолишлиги билан тахминан бир хил. Метаболизми Препарат ичакда ва жигарда метаболизмга учраб, холин ва цитидин ҳосил қилади. Препарат қабул қилингандан сўнг қон плазмасидаги холиннинг концентрацияси аҳамиятли даражада ошади. Тақсимланиши Цитиколин бош миянинг структураларига аҳамиятли даражада тақсимланиб, холин фракцияси структур фосфолипидларга тез киришади ва цитидин фракцияси – цитидин нуклеотидлар ва нуклеин кислоталарига киришади. Цитиколин бош мияга киради ва ҳужайра, цитоплазматик ва митохондриал мембраналарга фаол равишда сафланиб, структур фосфолипидларнинг фракциясини бир қисмини ҳосил қилади. Чиқарилиши Цитиколиннинг қабул қилинган дозасини фақат 15% одам организмидан чиқарилади: 3% дан камроқ қисми – буйраклар ва ичак орқали ва тахминан 12% - нафас аъзолари орқали чиқариладиган карбонат ангидрид билан чиқарилади. Цитиколинни сийдик билан чиқарилишини 2 фазага ажратиш мумкин: тахминан 36 соат давом этадиган биринчи фаза, бунда чиқарилиш тезлиги тез пасаяди, ва иккинчи фаза, бунда экскреция тезлиги жуда секин пасаяди. Ҳудду шундай ҳолат чиқариладиган карбонат ангидрид гази билан ҳам кузатилади – тахминан 15 соатдан кейин чиқарилиш тезлиги тез пасаяди, сўнгра эса янада секин камаяди.  

• Dozani oshirib yuborilishi

  Дозани ошириб юборилиш ҳолатлари хақида хабар берилмаган.

• Umumiy ma'lumot

  RONOSIT eritma 10ml 100mg/ml N10 qo'lanishi bo'yicha ko'rsatmalar QO‘LLASH BO‘YICHA YO‘RIQNOMA RONOSIT RONOCIT Preparatning savdo nomi: Ronosit Ta‘sir etuvchi modda (XPN): sitikolin Dori shakli: in‘eksiya uchun eritma Tarkibi: Preparatning 1 ampulasi quyidagilarni saqlaydi: faol modda: 500 mg yoki 1000 mg sitikolin (sitikolin natriy shaklida); yordamchi moddalar: natriy gidroksidi va/yoki xlorid kislotasi, in‘eksiya uchun suv. Ta‘rifi: tiniq, rangsiz yoki och jigarrang-sarg‘ish rangli eritma. Farmakoterapevtik guruhi: psixostimulyatorlar va nootrop preparatlar. ATX kodi: N06BX06. Farmakologik hususiyatlari Farmakodinamikasi Hujayra membranasining (asosan fosfolipidlarning) asosiy ultrastruktur komponentlarini o‘tmishdoshi bo‘lib, keng ta‘sir doirasiga ega: shikastlangan hujayra membranalarini tiklanishiga yordam beradi, erkin radikallarni ortiqcha hosil bo‘lishiga qarshilik ko‘rsatib, fosfolipazalarning ta‘sirini ingibisiya qiladi, shuningdek apoptoz mexanizmiga ta‘sir ko‘rsatib, hujayralarni nobud bo‘lishini oldini oladi. Insultning o‘tkir davrida sitikolin bosh miya to‘qimalarining shikastlanish hajmini kamaytiradi, xolinergik o‘tkazuvchanlikni yaxshilaydi. Bosh miya jarohatlarida posttravmatik komaning davomiyligi va nevrologik simptomlarning yaqqolligini kamaytiradi. Bosh miyani surunkali gipoksiyasida sitikolin xotirani yomonlashishi, tashabbussizlik, kundalik harakatlarni bajarishda va o‘z-o‘ziga xizmat ko‘rsartishda rivojlanadigan qiyinchiliklar kabi kognitiv buzilishlarni davolashda samaralidir. Preparat bilan uzoq muddat davolanish mumkin, chunki sitikolin nafas jarayoniga, puls va arterial bosimga ta‘sir qilmaydi. Farmakokinetikasi Sitikolin vena ichiga va mushak ichiga yuborilganida yaxshi so‘riladi. Jigarda metabolizmga uchrab, xolin va sitidin hosil qiladi. Parenteral yuborilganidan so‘ng plazmada xolinning konsentrasiyasi sezilarli darajada oshadi. Sitikolin bosh miyaning tuzilmalariga ahamiyatli darajada taqsimlanib, xolin fraksiyasi fosfolipid strukturalariga va sitidin fraksiyasi – sitidin nukleotidlari va nuklein kislotalariga tez kirishadi. Sitikolinning yuborilgan dozasini faqat 15% odam organizmidan chiqariladi: 3% dan kamroq qismi buyraklar orqali va taxminan 12% – karbonat angidrid gazi bilan birga chiqariladi. Qo‘llanilishi ishemik insultning o‘tkir davrida; ishemik va gemorragik insultni tiklanish davrida; bosh miya jarohatlari, o‘tkir va tiklanish davrida; bosh miyaning degenerativ va tomirli kasalliklaridagi kognitiv buzilishlarda qo‘llanadi. Qo‘llash usuli va dozalari Vena ichiga va mushak ichiga yuborish uchun eritma. Preparat vena ichiga in‘eksiya holida sekin (5 minut davomida) yoki vena ichiga tomchilab (minutiga 40-60 tomchidan) buyuriladi. Vena ichiga yuborish usuli mushak ichiga yuborish usuliga nisbatan afzal hisoblanadi. Mushak ichiga yuborilganida preparatni aynan bir joyga takroran yuborishdan saqlanish kerak. Ishemik insult va bosh miya jarohatlariini o‘tkir davri: tavsiya etilgan dozasi 1000 mg ni tashkil etadi, tashxis qo‘yilganidan so‘ng birinchi sutkadan boshlab har 12 soatda yuboriladi; davolashning davomiyligi – kamida 6 haftani tashkil etadi. Davolash boshlanganidan so‘ng 3-7 kundan keyin mushak ichiga yuborish (sutkada 1-2 in‘eksiya) yoki ichga qabul qilishga (agar yutish faoliyati buzilmagan bo‘lsa) o‘tish mumkin. Ishemik va gemorragik insultlarni tiklanish davri, bosh miya jarohatlaridagi tiklanish davri, bosh miyaning degenerativ va tomirli kasalliklaridagi kognitiv buzilishlar: tavsiya etilgan dozasi sutkada 500-2000 mg ni tashkil etadi. Preparatning dozasi va davolash davomiyligi kasallik simptomlarini og‘irligiga bog‘liq. Ongni davomli buzilishlarida kasallikning dastlabki bosqichlaridan boshlab preparatni uzluksiz qo‘llash mumkin. Keksa yoshdagi pasientlarga Ronosit preparati vena ichiga yoki mushak ichiga yuborilganida uning dozasiga tuzatish kiritish talab qilinmaydi. Ampuladagi vena ichiga va mushak ichiga yuborish uchun eritma bir marta qo‘llash uchun mo‘ljallangan. Ampula ochilganidan so‘ng eritmani zudlik bilan ishlatish kerak. Preparat vena ichiga yuboriladigan izotonik eritmalar va dekstroza eritmasining barcha turlari bilan mutanosibdir. Nojo‘ya ta‘sirlari Nojo‘ya samaralarni uchrash tezligini quyida ishlatilgan ko‘rsatkichlari quyidagi tarzda aniqlangan: juda kam hollarda (< 1/10000). Markaziy nerv tizimi va periferik nerv tizimi tomonidan: juda kam hollarda – uyqusizlik, bosh og‘rig‘i, bosh aylanishi, qo‘zg‘aluvchanlik, tremor, falaj bo‘lgan qo‘l-oyoqlarni uvishishi. Ovqat hazm qilish tizimi tomonidan: juda kam hollarda – ko‘ngil aynishi, ishtahani pasayishi, jigar fermentlarining faolligini o‘zgarishi. Allergik reaksiyalar: juda kam hollarda – teri toshmasi, terini qichishishi, anafilaktik shok. Boshqalar: juda kam hollarda – isitma; ayrim hollarda – qisqa muddatli gipotenziv ta‘siri, parasimpatik nerv tizimini rag‘batlanishi bo‘lishi mumkin. Qo‘llash mumkin bo‘lmagan holatlar preparatning komponentlariga yuqori sezuvchanlikda; vagotoniyada (vegetativ nerv tizimining parasimpatik qismi tonusi ustun bo‘lganida) qo‘llash mumkin emas. Dorilarning o‘zaro ta‘siri Sitikolin levodopaning samarasini kuchaytiradi. Preparatni meklofenoksat saqlovchi dori vositalar bilan bir vaqtda buyurish mumkin emas. Ronositni qonni to‘xtatuvchi vositalar, bosh miya gipertenziyasida qo‘llanadigan antigipertenziv vositalar va oddiy perfuzion suyuqliklar bilan bir vaqtda qo‘llash mumkin. Maxsus ko‘rsatmalar Bosh miya jarohatlarida bosh miya bosimini pasaytirish uchun mannitol va kortikosteroid vositalar kabi dori vositalarni buyurish kerak. Bosh miyaga qon quyilganida sitikolinning bir marta qo‘llanganidigan 500 mg dozasini oshirish mumkin emas, bunday holatda dozasini bo‘lib (100-200 mg dan sutkada 2-3 marta) yuborish mumkin. Homiladorlik va laktasiyada qo‘llanishi Homiladorlik vaqtida ona uchun davolashdan kutiladigan foyda homila uchun potensial havfdan ustun bo‘lgan holdagina preparatni qo‘llash mumkin. Laktasiya davrida preparatni qo‘llash zarurati bo‘lganida emizishni to‘xtatish masalasini hal qilish kerak. Pediatriyada qo‘llanishi 18 yoshgacha bo‘lgan bolalar va o‘smirlarda preparatni qo‘llash samaradorligi va havfsizligi aniqlanmagan. Avtotransportni haydash va mexanizmlarni boshqarish qobiliyatiga ta‘siri Davolanish vaqtida pasientlar avtomobilni boshqarish va psixomotor reaksiyalar tezligini talab qiluvchi ishlarni bajarishda ehtiyotkorlikka rioya qilishlari kerak. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin. Dozani oshirib yuborilishi Preparatning zaharliligi past bo‘lganligi sababli, hatto terapevtik dozalardan ortiq dozalarda qo‘llanganida ham dozasini oshirib yuborish hollari ta‘riflanmagan. Chiqarilish shakli In‘eksiya uchun eritma 4 ml dan rangsiz shisha ampulalarda. 5 ampuladan kontur uyali o‘ramda. 1 kontur uyali o‘ram qo‘llash bo‘yicha yo‘riqnomasi bilan birga karton qutiga joylangan. Saqlash sharoiti 25oS dan yuqori bo‘lmagan haroratda saqlansin. Yaroqlilik muddati 5 yil. Dorixonalardan berish tartibi Resept bo‘yicha. Ulashish: