GEMBAG inyeksiya uchun eritma 2ml 100mg/2ml N5

Инструкция GEMBAG inyeksiya uchun eritma 2ml 100mg/2ml N5

• Qadoqda soni

  5

• Dozirovkasi

  Препарат мушак ичига чуқур юбориш учун мўлжалланган. Инъекция қилиш техникаси муҳим аҳамиятга эга. Препаратни нотўғри юбориш натижасида инъекция қилинган жойда оғриқ ҳиссини ривожланиши ва терининг ранги ўзгариши мумкин. Қуйида келтирилган вентро-думбага инъекция қилиш усули умумий қабул қилинган усул (катта думба мушагининг юқориги ташқи квадрантига) нинг ўрнига тавсия этилган: •       игнанинг узунлиги камида 5-6 см бўлиши керак. Игнанинг бўшлиғи ҳаддан ташқари кенг бўлиши керак эмас. Болалар учун, ҳамда тана вазни унчалик катта бўлмаган катталар учун игна қисқа ва ингичка бўлиши керак. •       инъекция жойи қуйидаги тарзда аниқланади: умуртқа поғонаси линияси бўйлаб, бел-ёнбош бўғими даражасида А нуқта белгиланади. Агар бемор ўнг ёнбошга ётса, чап қўлнинг ўрта бармоғи А нуқтага қўйилади. Кўрсаткич бармоқ ўрта бармоққа нисбатан шундай жойланадики, ёнбош бўртиғи линиясидаги В нуқтага қўйилсин. Проксимал фалангалар, ўрта ва кўрсаткич бармоқлар ўртасида ҳосил бўлган учбурчак инъекция қилинадиган жой ҳисобланади. •       игнани киритишдан олдин, игна суғуриб олингандан сўнг ҳосил бўладиган канални яхшилаб ёпиш учун терини тахминан 2 см га йиғиш керак. Бу юборилган эритмани тери ости тўқималарига ўтиши ва терининг рангини ўзгаришини олдини олади. •       игна тери юзасига нисбатан вертикал ҳолда, чаноқ-сон бўғимига нисбатан ёнбош бўғими нуқтасига катта бурчак остида қўйилади. •       инъекция қилингандан сўнг игна аста-секин суғуриб олинади ва инъекция қилинган жойдаги •       терининг инъекция қилинган соҳаси бармоқ билан тахминан 5 минут давомида сиқиб турилади. •       инъекция қилингандан сўнг бемор ҳаракатланиши керак. Катталар учун суткалик дозаси – 1 ампула (100 мг) ни ташкил этади. Болалар учун боланинг тана вазни ва ёшига қараб кичикроқ дозалари тавсия этилади. Темир препарати парентерал юборилганида даволаниш даври даволовчи шифокор томонидан гемоглобиннинг даражасига қараб белгиланади. Максимал суткалик дозаси: Тана вазни 5 кг гача бўлган болалар 0,5 мл (ампуланинг 1/4 қисми, 25 мг элементар темирга тўғри келади) Тана вазни 5-10 кг бўлган болалар 1,0 мл (ампуланинг 1/2 қисми, 50 мг элементар темирга тўғри келади) Катталар 4,0 мл (2 ампула, 200 мг элементар темирга тўғри келади) Қуйидаги жадвалда темирга бўлган суткалик эҳтиёж келтирилган: Ёш Темир (мг/сутка) Ёш Темир (мг/сутка) 0-6 ойлик 0,27 31-50 ёш 7-12 ойлик 11 эркаклар 8 1-3 ёш 7 аёллар 18 4-8 ёш 10 50-70 ёш 9-13 ёш 8 эркаклар 8 14-18 ёш аёллар 8 ўғил болалар 11 >70 ёш қиз болалар 15 эркаклар 8 19-30 ёш аёллар 8 эркаклар 8     аёллар 18     Ҳомиладорликда: суткада 27 мг. Лактация вақтида – 18 ёшгача: суткада 10 мг; 18 ёшдан кейин суткада 9 мг ни ташкил этади.

• Dori vositalarining o'zaro ta'siri

  ААФ ингибиторлари тизимли самараларини кучайтирадилар. Перорал темир сақловчи препаратлар билан бир вақтда қўллаш мумкин эмас (темирни МИЙ дан сўрилиши камаяди), шунинг учун перорал темир сақловчи препаратлар билан даволашни, охирги инъекциядан сўнг камида 1 ҳафтадан кейин бошлаш керак.

• Qo'llanilishi mumkin bo'lmagan holatlar

  •       ўта юқори сезувчанлик; •       темир танқислиги билан боғлиқ бўлмаган анемиялар (гемолитик, мегалобласт, витамин В12 етишмовчилиги чақирган анемиялар); •       эритропоэзни бузилиши, суяк кўмиги гипоплазияси; •       организмда темирнинг миқдорини ортиқча бўлиши (гемохроматоз, гемосидероз); •       темирни утилизациясини бузилиши (сидероахрестик анемия, талассемия, қўрғошинли анемия, терини кечки порфирияси); •       Ослер-Рандю-Вебер синдроми; •       сурункали полиартрит; •       бронхиал астма; •       буйракни ўткир босқичдаги инфекцион касалликлари; •       назорат қилиб бўлмайдиган гиперпаратиреози; •       декомпенсацияланган жигар циррози; •       янги туғилган чақалоқлар (4 ойликкача); •       ҳомиладорлик (I уч ойлиги); •       инфекцион гепатит (чунки препарат РЭТ да тўпланади); •       вена ичига қўллаш мумкин эмас. Эҳтиёткорлик билан: жигар ва/ёки буйрак етишмовчилиги, юрак қон-томир ва аллергик касалликлар.

• Maxsus saqlash sharoitlari

  Ёруғликдан ҳимояланган жойда 25оС дан юқори бўлмаган ҳароратда сақлансин. Яроқлилик муддати 3 йил.

• Maxsus shartlar

  Препарат мушак ичига юборилганида ўта юқори сезувчанлик билан боғлиқ бўлган анафилактик реакциялар ривожланиши мумкин. Шундай қилиб, парентерал юбориш учун мўлжалланган темир препаратини, ичга қабул қилиш учун мўлжалланган препаратлар билан даволаш имкони бўлмаганида ва\ёки етарли бўлмагандагина қўллаш керак. Препаратни қўллашдан олдин сезувчанликка синама ўтказиш керак (синама доза: 0,5 мл мушак ичига). Аллергик реакция кузатилганида эпинефрин ва глюкокортикоидларни қўллаш мумкин. Аллергик реакцияларга мойиллиги бўлган пациентларга жуда эҳтиёткорлик билан буюриш керак. Фақат шикастланмаган ампулаларни ишлатиш керак. Ампуладан чўкма ҳосил бўлганида ишлатишга яроқли эмас. Ампула очилганидан сўнг эритмани дарҳол юбориш керак. Ҳавфли ўсмалар ёки инфекцион касалликлар фонида ривожланган анемияларда, темир РЭТ да тўпланади, фақат асосий касаллик даволангандан сўнг мобилизация бўлиши ва ишлатилиши мумкин. Автотранспортни ҳайдаш ва механизмларни бошқариш қобилиятига таъсири Ушбу препаратни қўллаш автомобилни ва бошқа механизмларни бошқариш қобилиятига таъсир кўрсатмайди.

• Nojo'ya samaralari

  Кам ҳолларда – артралгия, лимфа тугунларини катталашиши, иситма, бош оғриғи, лоҳаслик, диспепсия (кўнгил айниши, қусиш), оғизда металл таъми; жуда кам ҳолларда аллергик реакциялар бўлиши мумкин. Маҳаллий реакциялар (юбориш техникаси нотўғри бажарилганида): терининг рангини ўзгариши, оғриқ, яллиғланиш бўлиши мумкин.  

• Farmakokinetikasi

  Антианемик препарат. Плазмада темирни ташилиши жигарда синтезланадиган g-глобулин трансферрин ёрдамида амалга ошади. Уч валентли темир гем ҳосил бўлишида иштирок этади, бу гемоглобиннинг даражасини ошишига олиб келади. Препарат қабул қилинганида темир танқислигининг клиник (ҳолсизлик, кучли толиқиш, бош айланиши, тахикардия, тери қопламларини қуриши) ва лаборатор симптомларини аста-секин регрессияси кузатилади. Препаратнинг таркибига кирувчи темир гемоглобиннинг бир қисми ҳисобланади, темир танқислиги ҳолатларида эритропоэзни рағбатлантиради. Препаратнинг таркибидаги темир мураккаб темир гидроксидини полимальтоза комплекси шаклида бўлади. Бу комплекс уч валентли темир ядроларидан тузилган ва атрофи катта миқдордаги полимальтоза молекулалари билан ўралган марказий панжарадан таркиб топган. Ушбу комплекс прооксидант ҳусусиятларга эга эмас, бу ПЗЛП ва ЖПЗЛП ни оксидланишини пасайишига олиб келади.

• Farmakodinamikasi

  Мушак ичига юборилганидан сўнг препарат лимфа тизими орқали қон оқимига тушади. Плазмада максимал концентрациясига 24 соатдан кейин эришилади. Ретикулоэндотелиал тизимда комплекс темир гидроксиди ва полимальтозага парчаланади (оксидланиш орқали метаболизмга учрайди). Қон оқимида темир трансферрин билан боғланади, тўқималарда – ферритинни таркибида заҳира бўлиб тўпланади, суяк кўмигида – гемоглобинни таркибига киради ва эритропоэз жараёнида ишлатилади. Препаратнинг умумий дозасини 1% дан камроқ қисми буйраклар орқали чиқарилади.