Kandid B

Инструкция Kandid B

• Umumiy ma'lumot

  Kandid B qo'lanishi bo'yicha ko'rsatmalar QO‘LLASH BO‘YICHA YO‘RIQNOMA KANDID B CANDID B   Preparatning savdo nomi: Kandid B Ta‘sir etuvchi modda (XPN): yo‘q Dori shakli: krem Tarkibi: 100 g krem quyidagilarni saqlaydi: faol moddalar:        klotrimazol – 1,000 g, beklometazon – 0,025 g; yordamchi moddalar: benzil spirti, oq vazelin jele, suyuq parafin, setomakrogol, emulgirlangan mum, propilenglikol, metilparaben, propilparaben, butilogidroksitoluol, suvsiz natriy fosfat, natriy digidrofosfat, tozalangan suv. Ta‘rifi: oq rangli yumshoq krem Farmakoterapevtik guruhi: mahalliy qo‘llash uchun zamburug‘larga qarshi preparatlar. Majmuaviy preparatlar. ATX kodi: D01AC20   Farmakologik xususiyatlari Farmakodinamikasi Kandid B – sirtga qo‘llash uchun yallig‘lanishga qarshi komponentlari bilan zamburug‘larga qarshi majmuaviy preparatdir. Preparatni farmakologik ta‘siri uning tarkibiga kiruvchi klotrimazol va beklametazon dipropionatning xususiyatlari bilan bog‘liq. Klotrimazol – imidazol hosilalari guruhiga mansub keng ta‘sir doirali zamburug‘larga qarshi vosita. Dermatofitlar, achitqi zamburug‘lari (Candida, Torulopsis glabarata, Rhodotorula oilasi), mog‘or zamburug‘i, shuningdek rangbarang temiratki va eritrazmalar klotrimazolga sezgir. Bundan tashqari, klotrimazol grammusbat (stafilakokklar, streptakokklar) va grammanfiy bakteriyalar (Bacteroides, Gardnerella vaginalis) ga nisbatan, shuningdek Trichomonas vaginalis, Malassezia furfur, Corinebacterium minussumum ga nisbatan samaralidir. Klotrimazolni samarasi zamburug‘ hujayralari membranasining tarkibiga kiruvchi ergosterinning sintezini buzish qobiliyati bilan bog‘liq. Beklametazon dipropionati – sintetik glyukokortikosteroid yallig‘lanishga qarshi, allergiyaga qarshi, antiekssudativ va qichishishlarga qarshi ta‘sir ko‘rsatadi. Glyukokortikosteroidlarni tizimli qo‘llash ta‘sir mexanizmi yallig‘lanishning barcha bosqichlari: spesifik steroid reseptorlari bilan bog‘lanib, ular hujayra yadrosiga kiriladi va DNK bilan bog‘laniladi, informasion RNK hosil bo‘lishini rag‘batlantiriladi; natijada ribosomalarda RNK translyasiyasini turli xil boshqaruvchi oqsillari sintezlanadi Farmakokinetikasi Klotrimazol mahalliy qo‘llanganida teri yuzasidan yomon so‘riladi (epidemisni shox qavatida to‘planadi). Krem uzoq muddat qo‘llanganida beklametazon tizimli so‘rilishga ega. Uning faol metaboliti beklametazon dipropinati tez so‘riladi, qon plazmasidagi maksimal konsentrasiyasiga (Tmax) erishish vaqti 3 soatni tashkil qiladi. Qon plazmasining oqsillari bilan bog‘lanishi birmuncha yuqori – 87%. Beklametazon dipropionati yuqori plazma klirensiga ega. Yarim chiqarilish davri – 0,5 soat. Qon oqimiga tushishi va tizimli paydo bo‘lishi kremning umumiy dozasi va terining gidratasiya darajasiga bog‘liq. Qo‘llanilishi Terining zamburug‘li infeksiyalari, ayniqsa agar ular o‘tkir ekzematozni paydo bo‘lishi bilan kechganida: – tananing turli qismlaridagi dermatomikozlari; – tovon epidermofitiyasi, chov epidermofitiyasi; – ikkilamchi asoratlangan infeksiyalar, dermatozlarda qo‘llanadi.                                                                                                           Qo‘llash usuli va dozalari                             Sirtga buyuriladi. Krem terining shikastlangan sohasiga yupqa qatlam qilib kuniga      2-3 marta va ishqalab surtiladi. Shikastlangan sohani birlamchi yuvish va quritish kerak. Odatda dermatozlarni davolash davomiyligi 3-4 hafta, tovon epidermofitiyasida – 4 haftani tashkil qiladi. Uzoq muddat qo‘llash zarurati bo‘lganida kam-kam kunora qo‘llaniladi. Surunkali kasalliklarni davolashda kasallikni qaytalanishidan saqlanish uchun davolashni barcha simptomlari yo‘qolganidan keyin yana bir necha vaqt davom ettirish kerak. Nojo‘ya ta‘sirlari Kandid B kremi odatda yaxshi o‘zlashtiriladi. Kam hollarda – preparat surtilgan joyda terini qizarishi, achishish va sanchish hissi. Juda kam hollarda – gipopigmentasiya, husnbuzarsimon toshma, kontaktli dermatoz, terini atrofiyasi, terini ikkilamchi infeksiyasi. Ta‘sirlanish paydo bo‘lganida preparatni bekor qilish lozim. Qo‘llash mumkin bo‘lmagan holatlar – preparatni komponentlariga o‘ta yuqori sezuvchanlik; – teri sili, suvchechak, oddiy gerpes, qizamiq; – emlashdan keyingi teri reaksiyalari, sifilisni teri ko‘rinishi; – aktinomikoz, blastomikoz; – surunkali venoz yetishmovchiligi fonida trofik yaralar; – teri o‘smasi; – homiladorlik va laktasiya davrida qo‘llash mumkin emas.   Dorilarning o‘zaro ta‘siri Boshqa dori preparatlari bilan preparatni o‘zaro ta‘siri haqida ma‘lumotlar yo‘q. Maxsus ko‘rsatmalar Preparat faqat dermatologiya amaliyotida ishlatish uchun mo‘ljallagan. Krem qo‘llanganida, agar preparat faqat ochiq yoki germetik bog‘lamli jarohatlarga surtilmaganda tizimli nojo‘ya reaksiyalari istisno qilingan. Preparatni ko‘zga tushishidan saqlanish kerak; ko‘z sohasini terisiga va shilliq qavatlarga surtish mumkin emas. Infeksiyani rivojlanishi yoki tarqalishi preparatni bekor qilish va antibakterial davolashni buyurishni talab etadi. Pediatriyada qo‘llanishi 2 yoshdan 16 yoshgacha bo‘lgan bolalarda teri orqali o‘tishini ehtimolligi yuqoriligini va tizimli toksik reaksiyalarni rivojlanishini inobatga olib ehtiyotkorlik bilan qo‘llash kerak. 5 yoshgacha bo‘lgan bolalarda germetik bog‘lamlarni qo‘llash tavsiya etilmaydi. Bolalar amaliyotida kremni qo‘llash qat‘iy shifokor kuzatuvi ostida o‘tkazish kerak. Dori vositalarini transport vositalari yoki potensial xavfli mexanizmlarni boshqarish qobiliyatiga ta‘sir etish xususiyati Ta‘sir qilmaydi. Preparat bolalar ololmaydigan joyda saqlansin va yaroqlilik muddati o‘tgach ishlatilmasin. Dozani oshirib yuborilishi Kandid B mahalliy surtilganida o‘tkir dozani oshirib yuborilishining ehtimoli kam va hayot uchun xavf namoyon qilmasligi mumkin. Chiqarilish shakli 15 g dan krem teshish uchun o‘tkir qopqog‘i bo‘lgan alyumin tyubalarda. 1 tyuba davlat va rus tillaridagi qo‘llash bo‘yicha yo‘riqnomasi bilan birga karton qutiga joylanadi. Saqlash sharoiti Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.   Yaroqlilik muddati 3 yil. Dorixonalardan berish tartibi Resept bo‘yicha. Ulashish: